Señorita una! Señorita dos! Bota aginaldo por amor de Dios!
Etxa bonba! Etxa bonba! Dale, dale, dale... hasta ke se rompa!!!
URTE BARRI ON PIPOL!!!
Publizitate eta Harreman Publikoetan lizentziatutako gazte bermeotarra. Gaur egun Komunikazio Multimedia masterreko ikaslea, teknologi berrietan murgiltzen.
Señorita una! Señorita dos! Bota aginaldo por amor de Dios!
Etxa bonba! Etxa bonba! Dale, dale, dale... hasta ke se rompa!!!
URTE BARRI ON PIPOL!!!
Bizi garen mundu lehiakor honetan, publizitateak ere ez dio ihes egiten egoera honi. Suposatzen dut, denontzat ezagunak direla marka batzuen arteko lehia gogorrak, bortitzak zenbait kasutan. Sarritan lehia horretan murgilduta, marka askok konpetentziaren aurka jotzen dutelarik zuzenean.
Badira hainbat adibide, besteak beste autoen markak burutu izan dituzten zenbait publizitate kanpaina, Audi eta BMW datorzkit burura. Baina ezin ahaztu ere, dagoeneko klasikoak bilakatu diren Coca Cola eta Pepsiren iragarki aski ezagunak.
Honako hau, Mc Donalds-ek Alemanian soilik emititutako iragarkia dugu. Non iragarleak ez duen testu ezta hitzik erabiltzen Burger King-en irudia gutxietzi edo kaltetzeko. Irudiekin nahikoa da. Bideo atsegina eta barregarria den arren, bere arriskua badauka. Eta ziurrenik, laster Burger King-en erantzuna ikusteko parada ere izango dugu.
Egia esan, espainiar estatuan ez gaude ohituak era honetako iragarkiak ikustera, baina publizitate mota hau iragarlearentzat eraginkorra al da?
Ikus dezakegun irudia, beste 2 iragarkiz osatutako kanpainaren parte da. Esan beharra dago ere iragarki hau ez zutela espazio publikoan iragarri, ondorioz, iritzi publikoan ez zuen inongo iskanbilarik sortu. Izatez, audientziak oro har nahiko umore onez jaso zuen iragarkia, ez zuten sentzuratu. Esan bezala, publizitate kanpaina sinpatiko eta atsegin bezala onartu zuen audientziak.
Baina, beharrezkoa da, emakume bi horiek (adingabeko itxurarekin) horrelako egoera sentsualean agertzea? Balizkoa al da? Emakumea sexu-jolasekin erlazionatzea egokia ez izateaz gain, arriskutsua ere izan daiteke. Estereotipo hauetatik ihes egin beharra dago, are gehiago, irudian agertzen diren emakumeak adingabeak diruditenean. Denak ez du balio publizitatean.
Euskararen komunitate birtualaren inguruko mahai-ingurua oso aberasgarria suertatu zen bertara gerturatu ginen ikasle eta zenbait irakaslerentzat. Eztabaidan zehar iritzi ezberdinak entzuteko aukera izan genuen arren, orokorrean hizlarien artean joera edo korronte bat gailentzen zela nabari zitekeen. Alegia, Interneten, kalean zein beste toki askotan bezala, euskaraz jardun behar dugula gure nortasun digitala osatzen goazen heinean. Eta bestetik, diru laguntza publikoen beharra aldarrikatu zuten ahobetez aditu guztiek. Diru publikorik egon ezean, euskal komunitate birtualik ez dela existituko salatuz.
Euskaldunok interneten gauden heinean euskal komunitateak existitzen direla adierazi arren, Luistxo Fernandez-ek euskarak sarean merkatu komertzialik ez duela ere ziurtatu zuen. Bestalde Maite Goñik euskarazko komunitate birtualak euskaldunok hornitzeko gonbidapena luzatu zuen, erabiltzaile bakoitzak bere ekarpen txikiekin gauza handiak egin daitezkeela adieraziz. Euskaraz jarduten duen nabigatzaile bakoitzak ehuntzen du sarea, alegia, erabiltzaileongan dago ardura.
Argiako kazetariak ere, Lander Arbelaitzek, datu interesgarriak plazaratu zituen mahai-inguruan. Internet eta sare sozialei esker, euskarak gaur egun duen hizkuntza zaharkituaren zama kentzeko aukera ezin hobea duela. Izatez, harrigarria den arren, Wikipediako 6.000 hizkuntzen artean, euskara 43.postuan aurkitzen da. Hala ere, emaitza horiek eta edukiak hobetzeko asmoz, produktu erakargarriak eta kalitatezkoak ezinbestekoak dira. Arbelaitzen iritziz, militantzia alde batera utzi eta kalitatearen aldeko apustua egin beharko genuke.
Hizkuntza gutxituen kasuan, euskara eredu gisa hartuz, militantzia alde batera utzi behar ez dela uste dut. Mugak eta oztopoak etengabe jartzen dizkigutenean, militantzia beharrezkoa da, ezinbestekoa. Kalitatea eta militantzia eskuz-esku joan daitezkeelakoan nago. Sarean euskal komunitatea ehuntzeko gogoa eta borondatea badago, baina hizkuntza politika eraginkor baten beharra ere badugu.
Eta azkenik, laburbilduz, Lander Arbelaitzen adierazpen txukun honekin bukatu nahiko nuke:
Aritu, erabili eta soinua atera euskaraz!
Irratirako egindako soinu-lana...
Negua, sasoi gogor eta gordina. Latza. Luze eta iluna. Hotza. Neguan, pauso hotsak, oihu latzak euri artean. Arnas gabe, babes eske. Elurra mara-mara, paisaia guztia txuriz jantziz. Haizea bortizki, barruak astinduz. Negua, bakardadea. Etxeko berotasuna ta goxotasuna, neguaren adiskide ta osagarri bikaina. Negua, udaberriaren lehioa…
Panzer Chocolate, espainiar estatuan lehenbiziz egin den transmedia luzemetraia dugu. Audientzia entretenitzeko formatu berriak bereiz daitezke proiektuaren baitan, erabiltzaileek, kontatzen den istorioan partehartze zuzena izan dezaten.
Izan ere,gaur egun, eduki baten inguruan remix eta nahasketa etengabeak egitea inoiz baino errazagoa da, baita ere berau sarean hedatu eta zabaltzea. Iraultza digital honen ondorioz, hartzailea, parte hartzaile, sortzaile eta zabaltzaile ere bihurtu da.
Transmedia kanpaina zuzen batek, ikusle zein kontsumitzaileak marka edota proiektu batekin identikatzea errazten du. Ondorioz, erabiltzaile partehartzaile hauek markaren preskiptore bikainak bihurtzen dira.
Kode bidimentsional hauek, merkadoteknia eta marketinerako tresna oso garrantzitsuak bihurtu dira. Izan ere, QR kode hauek sortzea oso erraza izateaz gain, aparailu mugikorrekin behin irakurrita, informazio kopuru oso interesgarria jasotzeko aukera ematen baitu.
Gaur egun berauen erabilera ez da produktu edo gune zehatzetara mugatzen. Zenbaiten talentu eta berrikuntzei esker, kontsumitzaileok imaginatzerik ez dugun hainbat euskarritan aurki ditzazkegu QR kode berri hauek. Izatez, kontsumitzaileek beren Smartphonei esker kode horiek irakurtzeko duten erraztasunari dela-ta, hainbat eta hainbat enpresa QR kodeak erabiltzen hasi dira. Mobio-ren datuen arabera, azken urtean %1200 gorakada izan dute.
Zeri erantzuten dio arrakasta honek? QR kodeak sortu eta aplikazioa oso sinplea delako, eta ia-ia doanekoa. Horrez gain, berauen bitartez publizitate eta marketin kanpainak kudeatzea oso erraza da.
Beraz, kaletik ibiltzerakoan adi ibili eta zergatik ez… parte hartu!
Windows Phone-ra egokitutako aplikazio honek, ordainpean izaten dituen aukera berberak izango ditu, besteak beste, Internet konexiorik gabe musika zerrenden eskuragarritasuna, abesti zerrendak osatu ahal izatea edota, online dauden lagunen musika erreproduzitzeko aukera. Horrez gain, Wi-Fi edo 2.5/3G erabiliz, abestiak erreproduzitzea posible izango da, eta ordenagailu eta mugikorraren arteko sinkronizazioari esker, musika edono entzun izan ahalko dute erabiltzaileek.
Enpresa gehientsuenetan, bezeroarekiko harremanetan aldaketa izugarriak ematen ari direla onartzen dute marketin ardunadunek, eta aldaketa hauetara egokitzeko gai izango diren ala ez zalantzan agertzen dira batzuek.
Aro berriko testuinguru digital honek, edozeinek webgune batean bere iritzia eman edo bideo bat jartzea ahalbidetzen du. Kontsumitzailearen rola aldatzen doa, beronen eragin edo influentzia nabarmenagoa da. Ondorioz, marketin profesionariek beraien abileziak egokitu eta taktika berriak erabiltzerra derrigortuta daude. Baina, ikerketaren arabera, marketin zuzendarien %50 baino gehiagok aldaketa hauek kudeatzeko ez daudela prestatuta onartzen dute.
Honeri lotuta, kaleratutako txostenak dio, 3-5 urteko epean sare-sozialen erabilera eta ezagutza sakontzeko asmoa erakutsi dutela marketin zuzendariek. Baina egungo egoera penagarria da, izan ere, hauetariko %26 soilik jarraitzen ditu blogetan argitaratutako edukiak eta oso jaramon gutxi egiten diete kontsumitzaileen iritziei.
ROI-aren garrantzia:
Orain arte, normalean enpresa handiek ez zieten bere marketin arduradunei burututako inbertsioen kontu gehiegi exijitzen. Baina, egungo krisi egoera dela eta, mundu mailan bizi dugun egoera ekonomikoa kontutan izanik, joera hori aldatu egin da. Marketineko exekutiboen bi herenek ziurtatzen dute 2015-rako beraien departamentuetako efikazia ROI-aren arabera neurtua izando dela. Alegia egindako inbertsioetatik lortutako errendimendu edo etekina. Hala ere, testuinguru berri honetan profesionari gehiengo hauek, datu horiek azaltzeko gai ez direla onartzen dute.
Orohar, iruzkin kritiko bat egin aurretik, komunikabide talde honen testuinguruan jartzea komeni da, hau da, beronen xede-taldea, aurrekontua … kontutan hartu beharko genituzke. Hori dela eta, webgune nahiko itxurosoa dela esatera ausartzen naiz, diseinu, eduki eta eskainitako zerbitzuen aldetik. Hala ere, dena hobetu daiteke, pertsonalki diseinuari dagokionez, eraberritu eta itxura modernoagoa ematen saiatuko nintzateke, albisteak, idatzizko edizio baten jarraipena izan ez ezik, berauen multimedia arloa landuko nuke.
Herri edo eskualde bati zuzendutako webgune bat denez, gainontzekoa ontzat hartuko nuke. Kontutan izan behar baitira hedabide talde hauen aurrekontu eta giza-baliabide murritzak. Egia da, interaktibotasunerako aukera gutxi ematen duela Anboto.org-ek, arlo hau hobetzekotan ondorengo zerbitzuak gehituko nizkioke: web 2.0 erremintak edukiak konpartitzeko, besteak beste, albisteak komentatzeko aukera, hauek bozkatu eta partekatzeko eskubidea eta irakurleek beraien albisteak, audio, bideoak… bidaltzea posible izatea. Izan ere, gaur egun, irakurle eta hedabidearen arteko interaktibotasuna bultzatzea ezinbestekoa suertatzen da. Berau dugu, erabiltzailearen zaletasun, kezka, zalantzak… ulertu eta beraien berri izateko aukerarik egokiena. Beraz, bereziki, interaktibotasun arloa jorratuko nuke Anboto.org hobetzekotan.
Hala ere, bukatzeko, ziurta dezakegu, Durangaldeko herritarrek beren eskualdearen berri izateko, ziber-hedabide oso egokia eta profesionala dutela Anboto.org-ren kasuan.
Aketz Zubia
Gaur, urriak 24, Linking Day-en lehendabiziko edizioa ospatu da Madrilen, non arlo ezberdinetako profesionariek beraien esperientziak eta sormen lanak azaldu dituzte. Gaurko jardunaldi honetan Trimono-k parte hartu du, MTV, Paramount, Digital +, Sony-rentzat lan egin duen animazio estudioak.
Sormen mundua eta diseinuaz tratatzen duen ekitaldi honek, hilabetero ospatzeko asmoa erakutsi du, Madrilen hilabete bakoitzeko azken aurreko astelehenetan hain zuzen ere. Doako sarrera izango da, beti ere, aurretik webgunean inskripzioa eginez gero.
Linking Day ekitaldi berri hau, Linking Heads-ek antolatuta dago. Publizista, artista, diseinatzaile, musikari eta gidoilari ezberdinez osatutako profesionari taldea dugu Linking Heads, komunikazio eta aisialdiarekin erlazionaturiko proiektuen arteko lankidetza sustatzeko asmoz sortua.