Multimedia produktu edo saio bat ekoizterakoan erabiliko dugun hizkuntza erregistroa kontutan hartu behar dugu. Erabilitako hizkuntza mailaren arabera, xede-taldea eta hedapena ezberdinak izango baitira. Aipatutako ahozko testuen itzulpena egiterakoan jatorrizko bertsioaren ezaugarriak errespetatu behar dira. Alegia, jatorrizko bertsioaren formaltasun eta emozionalitate maila berbera izan behar ditu.
Ondorengo ikus-entzunezko hiru pasarteak euskaraz itzuli behar izatekotan ze ahozkotasun eredu erabiliko genuke?
Telediario 11 de Septiembre (2001) -ren inguruko albistegiaren kasuan, eredu normatibizatzailea erabiliko nuke. Zuzeneko saio honek EE.BB-ak jasandako atentatuen irudiak erakusten dizkigu eta albistegi guztiak bezala, Euskal Herri osoan eta talde soziolinguistiko guztietarako ulergarria izan beharko luke. Berriemaileak bertsio orijinalean erabiltzen duen neutraltasuna mantenduko nuke. Kazetaria ezusteko baten berri ematen ari da eta inprobisasioari aurre egiten dio. Hala ere, hizkuntzaren formaltasun maila mantentzen saiatzen da. Albistegietan igorritako informazioa era guztietako hartzaileak ulertzeko modukoa izan beharko luke. Beraz, testua euskara batu estandarrean itzultzea komeni da. Mezuak azkarra eta ulerterraza izan behar du.Fuga de cerebros (2009) pelikularen kasuan egokitasuna gailenduko nuke jatortasuna eta zuzentasunaren gainetik. Gazteei zuzendutako umorezko filma dugu. Gazteen arteko umorea, hizkera eta esamoldeak erakusten dira. Beraz, euskaraz itzultzerakoan eredu normalizatzaile kuantitatiboa erabili beharko litzateke. Hau da, gaur egun edozein gazte koadrilak beraien artean erabiltzen duten hizkera. Baina filmean zehar, hizkuntza edo kultura maila ezberdinak dituzten pertsonaiak agertzen dira. Ondorioz, euskara, pertsonaia bakoitzaren hizkera motara egokituko nuke. Alegia, gaztelerazko bertsioan erabilitako hizkuntza erregistroak mantenduko nituzke, eredu estandarra eta jatorra tartekatuz. Torrente, el brazo tonto de la ley (1998) testu hau euskaratzerakoan, eredu normalizatzaile kualitatiboa erabiliko nuke, jatortasunean oinarrituz . Izan ere, aurreko filmarekin alderatuz, hizkera zatarragoa antzematen da. Politikoki egokiak ez diren esamolde eta adierazpenak. Umorezko film honetan hizkuntza kolokiala eta argota erabiltzen dute pertsonaia ezberdinek. Beraz, ikus daitekeen pasartea euskara jatorrean itzuli dut, zuzentasun gramatikal zein akademikoa baztertuz. Zenbait esapide euskalkiak edota gazteleratik hartu ditut. Beti ere, gazteen arteko hizkera eta freskotasuna ez galtzearren. Izan ere, Torrenteren hizkera zakarra da, misoginoa… eta ezaugarri horiek erabiltzen ez baditugu filmak bere xarma galduko luke. Alegia, kalean gazteek erabili dezakegun euskara erregistrora hurbiltzen saiatu naiz. Ondorengo bideoan euskarazko itzulpena ikus dezakegu:
VIDEO
VIDEO
VIDEO
No hay comentarios:
Publicar un comentario