Marketin zuzendariek aro digitalerako ez daudela prestatuta onartzen dute

IBM-ek 64 herrialdetako 1.700 marketin zuzendariei egindako elkarrizketa eta ikerketa bati esker, “Del reto al éxito: la transformación del marketing en la era digital”, zenbait ondorio atera daitezke, besteak beste, hauetariko %68ak “beldurra” dietela sare-sozialei.

Enpresa gehientsuenetan, bezeroarekiko harremanetan aldaketa izugarriak ematen ari direla onartzen dute marketin ardunadunek, eta aldaketa hauetara egokitzeko gai izango diren ala ez zalantzan agertzen dira batzuek.

“Hasiera batean, bezero eta gure artean muga bat zegoen, baina gaur egun, bezeroa gure etxera sartu da, eta honetaz ohartzen ez dena, merkatuz kanpo gera liteke” adierazi zuen Juan Antonio Zubiriak, Espainia, Portugal , Grecia eta Israeleko IBM-ko presidente exekutiboak.

Aro berriko testuinguru digital honek, edozeinek webgune batean bere iritzia eman edo bideo bat jartzea ahalbidetzen du. Kontsumitzailearen rola aldatzen doa, beronen eragin edo influentzia nabarmenagoa da. Ondorioz, marketin profesionariek beraien abileziak egokitu eta taktika berriak erabiltzerra derrigortuta daude. Baina, ikerketaren arabera, marketin zuzendarien %50 baino gehiagok aldaketa hauek kudeatzeko ez daudela prestatuta onartzen dute.

Honeri lotuta, kaleratutako txostenak dio, 3-5 urteko epean sare-sozialen erabilera eta ezagutza sakontzeko asmoa erakutsi dutela marketin zuzendariek. Baina egungo egoera penagarria da, izan ere, hauetariko %26 soilik jarraitzen ditu blogetan argitaratutako edukiak eta oso jaramon gutxi egiten diete kontsumitzaileen iritziei.

ROI-aren garrantzia:

Orain arte, normalean enpresa handiek ez zieten bere marketin arduradunei burututako inbertsioen kontu gehiegi exijitzen. Baina, egungo krisi egoera dela eta, mundu mailan bizi dugun egoera ekonomikoa kontutan izanik, joera hori aldatu egin da. Marketineko exekutiboen bi herenek ziurtatzen dute 2015-rako beraien departamentuetako efikazia ROI-aren arabera neurtua izando dela. Alegia egindako inbertsioetatik lortutako errendimendu edo etekina. Hala ere, testuinguru berri honetan profesionari gehiengo hauek, datu horiek azaltzeko gai ez direla onartzen dute.

Anboto.org informazioa esku-eskura eta eguneratua

Orohar, iruzkin kritiko bat egin aurretik, komunikabide talde honen testuinguruan jartzea komeni da, hau da, beronen xede-taldea, aurrekontua … kontutan hartu beharko genituzke. Hori dela eta, webgune nahiko itxurosoa dela esatera ausartzen naiz, diseinu, eduki eta eskainitako zerbitzuen aldetik. Hala ere, dena hobetu daiteke, pertsonalki diseinuari dagokionez, eraberritu eta itxura modernoagoa ematen saiatuko nintzateke, albisteak, idatzizko edizio baten jarraipena izan ez ezik, berauen multimedia arloa landuko nuke.

Herri edo eskualde bati zuzendutako webgune bat denez, gainontzekoa ontzat hartuko nuke. Kontutan izan behar baitira hedabide talde hauen aurrekontu eta giza-baliabide murritzak. Egia da, interaktibotasunerako aukera gutxi ematen duela Anboto.org-ek, arlo hau hobetzekotan ondorengo zerbitzuak gehituko nizkioke: web 2.0 erremintak edukiak konpartitzeko, besteak beste, albisteak komentatzeko aukera, hauek bozkatu eta partekatzeko eskubidea eta irakurleek beraien albisteak, audio, bideoak… bidaltzea posible izatea. Izan ere, gaur egun, irakurle eta hedabidearen arteko interaktibotasuna bultzatzea ezinbestekoa suertatzen da. Berau dugu, erabiltzailearen zaletasun, kezka, zalantzak… ulertu eta beraien berri izateko aukerarik egokiena. Beraz, bereziki, interaktibotasun arloa jorratuko nuke Anboto.org hobetzekotan.

Hala ere, bukatzeko, ziurta dezakegu, Durangaldeko herritarrek beren eskualdearen berri izateko, ziber-hedabide oso egokia eta profesionala dutela Anboto.org-ren kasuan.

Linking Day jaio da, hileroko kreatibitate eta diseinu topaketak

Aketz Zubia

Gaur, urriak 24, Linking Day-en lehendabiziko edizioa ospatu da Madrilen, non arlo ezberdinetako profesionariek beraien esperientziak eta sormen lanak azaldu dituzte. Gaurko jardunaldi honetan Trimono-k parte hartu du, MTV, Paramount, Digital +, Sony-rentzat lan egin duen animazio estudioak.

Sormen mundua eta diseinuaz tratatzen duen ekitaldi honek, hilabetero ospatzeko asmoa erakutsi du, Madrilen hilabete bakoitzeko azken aurreko astelehenetan hain zuzen ere. Doako sarrera izango da, beti ere, aurretik webgunean inskripzioa eginez gero.

Linking Day ekitaldi berri hau, Linking Heads-ek antolatuta dago. Publizista, artista, diseinatzaile, musikari eta gidoilari ezberdinez osatutako profesionari taldea dugu Linking Heads, komunikazio eta aisialdiarekin erlazionaturiko proiektuen arteko lankidetza sustatzeko asmoz sortua.

Urrutiak bazkide konpromisarioen batzarrean babes zabala jaso du

Bart amaitutako Athleticeko bazkide konpromisarioen batzarrean, Josu Urrutia klubeko presidenteak aurkeztutako aurrekontuei dagokionez, botoen %73ko babesa jaso zuen.

Zuzendaritza berriaren arabera, iazko sasoiko kontuek hamar milioi euroko zorra izan zuten. Aldiz, Fernando Garcia Makua aurreko presidenteak esan zuen irabaziak izan zituztela. 487 bazkide konpromisariok Urrutiak-eta aurkeztutako zenbakien aldeko botoa eman zuten, 222k kontrakoa, 26 boto txurizkoak eta 11 baliogabeak.

Ekitaldi amaieran, Athletic-eko presidente berriak, emandako hitzaldia Bizkaiko futbol harrobia eta Bielsaren aldeko apostua eginez bukatu zuen.

Tafalla, igandean, euskaltzaleen topagune

Aketz Zubia

Tafallarrek dagoeneko dena prest dute iganderako, espero diren milaka pertsonei ongi etorria emateko. Izan ere, Nafarroa Oinez ospatuko da asteburu honetan. Edizio berri honetarako 5,6 kilometroko ibilbidea antolatu dute, non 5 gune bereizi dituzte. Tafallara autoz hurbiltzeko aukera izango den arren, antolatzaileek garraio publikoa erabiltzeko gomendioa egin dute.
Aipatzekoa da ere, San Fermin ikastolak hartuko duela lekukoa Tafallako ikastolarengandik, eta datorren urtean Iruñean izango da Nafarroa Oinez.

Ongi etorrijek nire blogera!!!

Apa! Aketz Zubia nai, gazte bermiotarra, Publizitate eta Harreman Publikoetan lizentziatue. Gaur bertan hasi dot Multimedia Komunikazioa masterra. Espero dot gauze asko ikastie ta etorkizun baterako ezagutza interesgarrijek lortzie. Niri buruz ezer gehijau jakin nahi badozue, hemen nakozue. Laster arte, ondo ibili!